مسرحية الجدة و ابنتها

الجدة : ناري ناري قفرتها آش نقول الجيران أعباد الله ناري
البنت : أمالك أشدرت عوتاني
الجدة :درتها كد راسي ناري ولكن نتما السباب نتمالمحققتوش الماكنة ناري درتها كد راسي ناري البنت : أشناهي خلعتني
الجدة بلاتي دبا انت عارفني ابنيتي شرفت او هرفت او ملي كيشرف بنادم كيولي انسى او داكشي لطرالي
البنت : مالك أش نسيت. صافي وقيلا نسيت ماصليتش ولا ما توضتيش
الجدة : ولا كتر من هادشي
البنت وعلا كين شحاجة كتر من هادشي
الجدة : كاين
البنت : اشناهو
الجدة : هداك المسلسل الواعر نور ناري على مسلسل كيداير متبعاه ماعمرني مافوت تا حلقة وليوم فوتها ولكن نتوما السباب نتوما كور فكرتوني كعما يطرى هدشي
البنت : أنعل الشيطان ياهد المرة وحضر ليمان
الجدة : مالي أش درت
البنت :هدالأفلام التركية امي شغلت كبير وصغير و دخلت الوسواس لكل الناس وخربات جميع العائلات وهديك الصفريطة ديال نور أشعجبك فيها ولا حتى هاداك الفار الرومي ديال مهند آش عجبك فيه
الجدة: آيوا حدك تما وعرف آش كتخرج من فمك وخا انت بنتي ولكن خاصك تحتارمي شويا
البنت:ياك امي وخا
الجدة : مالي
البنت : والو اسمع ياهد المرضية ماتكوني خفيفة شويا رهد الأفلام كتخرب العقول وفيها كتير من الدنوب
الجدة: علاش
البنت : خاصك تعرفي واحد الحاجة بعدا
الجدة : اماهي
البنت :دابا نتي شرفت ياك
الجدة ايه
البنت : وكبرت ياك
الجدة :ايه
البنت : وشبقالك في هد الدنيا والو غدا ولا بعد ندفنوك
الجدة: ماحنا على فالك باقي ندردك علك وعلى متالك
البنت : صافي ودبا حلي ودنك معاي أنا بغيت نعرف حاجة وحدا صافي واش انتي حاسبرسك
ملي اتموت أدخل الجنة لا النار
الجدة : واش هدا سؤال باينة بطبيعة الحال أندخل الجنة حنت أنا حاجة ومحيت كاع الدنوب اللي عليا
البنت: محشمتيش حاجة وماحي كاع الدنوب او باركة التفرج فهد المخ
الجدة : ومال هدا مسخ
البنت: اوشناهو
الجدة ماكنتش عارفا ولكن رانا حاجة ومميمكنش ندخل النار
البنت : وهنا فين كاين المشكيل راك حاجة عام هدا
الجدة عام قل 3شهور
البنت ايه الا لا ولكن خاصك تحاول تعمل أعمال حسنة في هدالسنين اللي باقي لك باش الدخلي ان شاء الله الجنة
الجدة : واقيلا عندك الحق نيت حينت ملي كنكون نتفرج فداك المسلسل ديال نور ولا داك سنوات الضياع كنحس بأن كاع داك الوقت اللي دوزت كل ضياع وبعد المرات كنشوف شيحاجة قليلت الحيا
البنت: داكش علاش كتلك بعد من داكشي
الجدة : صافي كنواعدك باش مانبقاش نتفرج فداكشي
البنت : صافي وعد
الجدة صافي
الحفيد : مي لا لا مي لا لا
الجدة : أشبغيت أوليدي
الحفيد : هداك الفيلم الميكسيكي بدا امي بدا
الجدة ياك المصخوط هدي اموصياه ياك كنكلوك عايط علي قبل مايبدا أبلاتي علك الحتروف
الحفيد : أبشويا علك أمي عنداك الطيحي ريله بدات الموسيقى
البنت : فين غادا أمي عاوتاني
الجدة : ولا ابنيتي هدو غير الأفلام الميكسيكية ماش التركية
البنت :وماعندي مان كولك الله يعفو وهدي قصة اخرى خاصها هدرا اخرى
السلام عليكم ورحمة الله
تأليف مريم ماني



أرجوااااااااااااا أن تعجبكم